Steam+ Albania dhe platforma Talenti pjesë e Universitetit Barleti me iniciativë të Bashkisë SHKODËR, zhvillon për herë të parë më datë 20 Prill 2024 ora 10.00-13.00 prane sallës së madhe të takimeve në Stadiumin”Loro Boriçi” Shkodër, konkursin më të madh dedikuar talentit dhe aftësive të të rinjve në Shkodër. “Konkursi STEAM+ për talentet e reja” do të bëj bashkë të rinj talente nga të gjitha zonat e veriut të Shqipërisë.
STEAM+ për talentet e reja” është konkurs i projekteve në Shkenca Natyre (Biologji, Kimi, Matematikë, Fizikë), Inxhinieri (Robotikë, Elektronikë, Mekatronikë, Elektrikë, Ndërtim) TIK (IT, Programim, Databaze), Arkitekturë-Design, Arte dhe Krijimtari të viteve të fundit i nxënësve dhe maturantëve nga shkollat e mesme të Shqipërisë së Jugut.
Në këtë aktivitet mund të marrin pjesë nxënës dhe maturantë me projekte:
- të përfunduara,
- në proces përfundimi
- projekt ide interesante.
Aktiviteti përbën një pikëtakimi me vlerë për promovimin e talenteve të nxënësve dhe maturantëve, dhe mbështetjen e tyre për të zhvilluar aftësitë, njohuritë, prirjet dhe talentin jo vetëm në plan kombëtar, por edhe ndërkombëtar përmes filozofisë së STEAM+
“Konkursi STEAM+ për talentet e reja”, është i treti i këtij lloji, pas Konkursit “ALBANIAN CENTRAL STEAM FAIR 2023(ACSF)”, organizuar në Tiranë dhe Konkursit STEAM+ për Talentet e Reja-Fier 2024.
“Në aktivitet do të shpallen 6 projekte finaliste të cilët do të marrin pjesë tek konkursi final “NATIONAL STEAM FAIR 2024” dhe do të promovohen në rrjetin europian EU STEM COALLITION. Po ashtu pjesëmarrësit do të pajisen me certifikatën e pjesëmarrjes në këtë event.
