Trajnime, Kurse, Testim dhe Certifikim në Edukim

Përshkrim hyrës:

Era e re e ndryshimeve në fushën e edukimit dhe mësimdhënies dhe transformimet e viteve të fundit që lidhen me ndryshimin e formatit klasik të edukimit dhe mësimdhënies nga varianti tradicional në atë modern, kanë rritur interesin mbi rëndësine e zhvillimit profesional të punonjësve dhe drejtuesve arsimor duke i nxitur të kërkojnë alternativa dinjotoze sesi të kualifikojnë veten.

Një tjeter aspekt i rëndësishëm i këtyre ndryshimeve është implementimi i kurrikulave të reja në arsimin parauniversitar si dhe mësimdhënia bazuar në kompetenca tanimë me në qender nxënësin, puna me të cilat kërkon nga mësuesi dhe drejtuesi arsimor çdo ditë e më shumë dije, njohuri dhe aftësi shtesë për të qenë efiçent dhe konkurues në punë duke e vlerësuar më shumë se më parë, rolin e pazëvëndësueshëm që ka kualifikimi përgjatë të gjithë jetës. Por po ti referohemi jo vetëm momentit por edhe erës digjitale ku po jetojmë sidomos në kalimin nga formati klasik në atë digjital i mësimdhënies, kërkon nga mësuesi dhe drejtuesi arsimor, jo vetëm njohuritë dhe aftësitë e nevojshme teknologjike por edhe ato pedagogjike dhe drejtuese tanimë bazuar dhe orientuar në teknologjinë digjitale. Me riformatimin e funksionimit dhe drejtimit të institucioneve arsimore parauniversitare dhe ndërtimin e standarteve për drejtuesit e këtyre institucioneve, del në pah nevoja dhe interesi i drejtuesve arsimor apo aspirantëve për drejtues, për tu trajnuar profesionalisht edhe si rrjedhojë e konkurencës së lartë në treg në lidhje me synimet për promovim në edukim.

PSE EDUKIM DHE MESIMDHENIE

Akademia e edukimit dhe mësimdhënies shërben si një njësi e specializuar që ofron një paketë shërbimesh të plota dhe profesionale të cilat kanë në fokus rritjen e kapaciteteve të punonjësve dhe drejtuesve arsimor, të edukimit dhe mësimdhënies, jo vetëm duke I përgatitur profesionalisht, informuar, orientuar, formuar, kualifikuar dhe certifikuar me/për aftësitë më bashkohore në edukim dhe mësimdhënie por edhe duke i pajisur me modele praktike dhe të qëndrueshme pune, të cilat do ti ndihmojnë të rritin cilësinë dhe standartizimin në përditshmëri të punës së tyre.

1. Trajnime me certifikim të formimit të vazhduar me kredite dhe formimi profesional në edukim

Universiteti Barleti me zbatim nga Barleti Training and Testing Center specifikisht nga Akademia e Edukimit dhe Mësimdhënies është institucion i specializuar, i akredituar dhe i licensuar në 32 module trajnimesh me kredite të licensuara dhe akredituara nga Ministria e Arsimit, Sportit dhe Rinisë, për aspirantë për mësues, mësues, aspirantë për drejtues dhe drejtues arsimor.

Në të njëjtën kohë Universiteti Barleti disponon rreth 35 module trajnimesh të formimit profesional të licensuara dhe akredituara nga Qendra Kombëtare e Licensave(QKB) për aspirantë për mësues, mësues, aspirantë për drejtues dhe drejtues arsimor, aspirantë për psikologë dhe punonjës social shkollor dhe psikologë dhe punonjës social shkollor aktiv, punonjës dhe drejtues administrate në fushën e edukimit.

2. Zbatimi i programit të shkollës së drejtorëve si dhe i moduleve të formimit të vazhduar në kuadër të saj

Universiteti Barleti është i vetmi universitet jopublik që zotëron të drejtën e zbatimit të programit të trajnimit dhe kualifikimit të detyrueshëm të Shkollës së Drejtorëve. Në të njëjtën kohë Universiteti Barleti dhe Barleti Training and Testing  Center(BTTC) me zbatim nga Akademia e Edukimit dhe Mësimdhënies zotëron të drejtën për programin e trajnimeve të formimit të vazhduar me kredite, për mësuesit dhe drejtuesit arsimor, në kuadër të Shkollës së Drejtorëve në 10 module trajnimi.