Steam+ Albania dhe platforma Talenti pjesë e Universitetit Barleti me iniciativë të Bashkisë VLORË, zhvillon për herë të parë më datë 26 Prill 2024 ora 12.00-14.00 pranë Qendres Kulturore/Rinore VLORË, konkursin më të madh dedikuar talentit dhe aftësive të të rinjve në Vlorë. “Konkursi STEAM+ për talentet e reja” do të bëj bashkë të rinj talente nga të gjitha shkollat e Qarkut Vlorë.
STEAM+ për talentet e reja” është konkurs i projekteve në Shkenca Natyre (Biologji, Kimi, Matematikë, Fizikë), Inxhinieri (Robotikë, Elektronikë, Mekatronikë, Elektrikë, Ndërtim) TIK (IT, Programim, Databaze), Arkitekturë-Design, Arte dhe Krijimtari të viteve të fundit i nxënësve dhe maturantëve nga shkollat e mesme të Shqipërisë së Jugut.
Në këtë aktivitet mund të marrin pjesë nxënës dhe maturantë me projekte:
- të përfunduara,
- në proces përfundimi
- projekt ide interesante.
Aktiviteti përbën një pikëtakimi me vlerë për promovimin e talenteve të nxënësve dhe maturantëve, dhe mbështetjen e tyre për të zhvilluar aftësitë, njohuritë, prirjet dhe talentin jo vetëm në plan kombëtar, por edhe ndërkombëtar përmes filozofisë së STEAM+
“Konkursi STEAM+ për talentet e reja”, është i katërti i këtij lloji, pas Konkursit “ALBANIAN CENTRAL STEAM FAIR 2023(ACSF)”, Konkursi Steam+ për talentet e reja Fier 2024 dhe Konkursi Steam+ për talentet e reja Shkodër 2024.
“Në aktivitet do të shpallen 6 projekte finaliste të cilët do të marrin pjesë tek konkursi final “NATIONAL STEAM FAIR 2024” dhe do të promovohen në rrjetin europian EU STEM COALITION dhe European Talent Support Network(ETSN). Po ashtu pjesëmarrësit do të pajisen me certifikatën e pjesëmarrjes në këtë event.
