Konkursi i STEAM Gjimnazi “Aleks Buda” Tiranë

Në kuadër të programit kombëtar STEAM ALBANIA mbështetur nga TRIPLE CITY, ADRIAPOL INSTITUTE dhe UNIVERSITETI BARLETI me 30 Mars 2023 u organizua konkursi i projekteve të realizuara në kuadër të STEAM të nxënësve të Gjimnazit “Aleks Buda” Tiranë pranë ambjenteve të Universitetit Barleti.
Qëllimi i këtij aktiviteti ishte identifikimi i talenteve në fushën e shkencave që përbëjnë STEAM-in dhe mbështetja e tyre për të rritur dhe fuqizuar idetë dhe ndërtimin e prototipeve të cilat të jenë të përditësuara me kohën dhe shërbejnë në funksion dhe në përdorim të sektorëve dhe industrive të ndryshme.
Në këtë konkurs të projekteve mes nxënësve të Gjimnazit, u shpallen 5 projekte fituese të cilat do të suportohen, inkubohen dhe akselerohen përmes disa bootcampeve për tu finalizuar me pjesëmarrjen në takimin final kombëtar të STEAM, fituesit e të cilit do të marrin pjesë në Tekno Fest Turqi dhe në European Inovation Week.