KONKURSI KOMBËTAR STEAM+ PËR TALENTET E REJA 2024

Steam+ Albania dhe platforma Talenti pjesë e  Universitetit Barleti në kuadër të perfundimit të turit të konkurseve rajonale në Tiranë, Durrës, Elbasan, Shkoder, Fier, Berat , zhvillon më datë 11 Maj 2024 ora 09.00 pranë ambienteve të Kampusit të Ri të Universitetit Barleti, Rr Frang Bardhi, Selitë Tiranë, konkursin vjetor më të madh dedikuar talentit dhe aftësive të të rinjve nga i gjithë vendi:“Konkursi Kombëtar STEAM+ për Talentet e Reja 2024”

“Konkursi STEAM+ për talentet e reja” është konkurs i projekteve në Shkenca Natyre (Biologji, Kimi, Matematikë, Fizikë), Inxhinieri (Robotikë, Elektronikë, Mekatronikë, Elektrikë, Ndërtim) TIK (IT, Programim, Databaze), Arkitekturë-Design, Arte dhe Krijimtari të viteve të fundit i nxënësve dhe maturantëve nga shkollat e mesme të Shqipërisë.

Në këtë aktivitet mund të marrin maturantë dhe nxënës nga shkollat e mesme nga i gjithë vendi me projekte:

•  të përfunduara,
• në proces përfundimi
•  projekt ide interesante

Projektet që do aplikojnë do klasifikohen dhe përpunohen nga ekspertët dhe të gjithë aplikantëve fitues do ti komunikohet pjesëmarrja në konkurs para zhvillimit të tij.

Projektet finaliste nga konkurset e zhvilluara Nëntor 2023-Maj 2024 në Tiranë, Durrës, Elbasan, Fier, Shkodër dhe Berat, do të jenë pjesëmarrës AUTOMATIKISHT të konkursit kombëtar mjafton të regjistrohen në linkun përkatës.

Aktiviteti përbën një pikëtakimi me vlerë për promovimin e talenteve të nxënësve dhe maturantëve, dhe mbështetjen e tyre për të zhvilluar aftësitë, njohuritë, prirjet dhe talentin jo vetëm në plan kombëtar, por edhe ndërkombëtar përmes filozofisë së STEAM+

Në konkursin kombëtar STEAM+ do të shpallen 10 projekte fituese të cilët do të përfitojnë:

1. Promovohen në Newsletter-in e radhës të EU STEM COALITION
2. Publikohen në EU STEM COALITION për tu promovuar në nivel europian
3. Promovohen në rrjetin europian të talenteve EUROPEAN TALENT SUPPORT NETWORK (ETSN)
4. Mbështeten  1 vit me mentorim nga ekspertët e STEAM+ Albania për ta zhvilluar projektin
5. Përdorin 1 vit  laboratorin e STEAM FAB LAB për të zhvilluar projektet e tyre
6. Mbështeten për 1 muaj për ta komercializuar projektin e tyre nga ekspertët e STEAM+ Albania

Po ashtu pjesëmarrësit dhe finalistët do të pajisen me certifikatën e pjesëmarrjes në këtë event.

Kontakt dhe informacion:

[email protected] /0672048999

Linku i regjistrimit online >> https://steamalbania.al/konkursi-kombetar-steam-per-talentet-e-reja-2024/