PANAIRI I PARË RAJONAL STEAM NË UNIVERSITETIN BARLETI (ASEDF)

Panairi u organizua nga Universiteti Barleti më 9 Prill 2022 pranë ambjenteve të Kampusit të Ri në Tiranë Rr. Frang Bardhi, me pjesëmarrjen e 93 projekteve të nxënësve të shkollave të mesme nga Shqipëria dhe Rajoni, nga fusha e Shkencave, Inxhinierisë,

Informatikës, Dizajnit dhe Arkitekturës.

Në panair u shpallën 10 projekte fituese të cilat do të konkurojnë në Tekno-Fest në Turqi në muajin Maj 2022 me të gjitha shpenzimet e mbuluara.
Ky aktivitet është në vazhdën e promovimit të nismave bashkohore në fushën e edukimit STEAM që Universiteti Barleti ka iniciuar, me fokus zhvillimin e aftësive inovative, krijuese dhe shkencore të nxënësve dhe identifikimit dhe mbështetjes për kultivimin e talentit dhe
prirjeve të zhvilluara të tyre.

Po ashtu aktiviteti ilustron rritjen dhe shtimin e programeve të studimit të Universitetit Barleti me Programet dhe Degët e Mjekësisë, Industrinë Kreative dhe Designin Aplikativ si dhe Informatikën e Aplikuar, Arkitekturën dhe Masterat e Rinj në Fushën e Edukimit.
Këto aktivitete do të vijojnë edhe në të ardhmen dhe nisur nga to ftojmë të gjithë mësuesit e shkencave që aktivizojne nxënësit në projekte nga të gjitha Gjimnazet e Shqipërisë, Kosovës, Malit te Zi dhe Maqedonisë së Veriut, ti bashkohen nismës duke u regjistruar në:
http://steamalbania.al/albanian-science-engineering-and-design-fair/