Hartim dhe Zbatim Projektesh

Përshkrim hyrës:

Era e re e ndryshimeve në fushën e edukimit dhe mësimdhënies dhe transformimet e viteve të fundit që lidhen me ndryshimin e formatit klasik të edukimit dhe mësimdhënies nga varianti tradicional në atë modern, kanë rritur interesin mbi rëndësine e zhvillimit profesional të punonjësve dhe drejtuesve arsimor duke i nxitur të kërkojnë alternativa dinjotoze sesi të kualifikojnë veten.

Një tjeter aspekt i rëndësishëm i këtyre ndryshimeve është implementimi i kurrikulave të reja në arsimin parauniversitar si dhe mësimdhënia bazuar në kompetenca tanimë me në qender nxënësin, puna me të cilat kërkon nga mësuesi dhe drejtuesi arsimor çdo ditë e më shumë dije, njohuri dhe aftësi shtesë për të qenë efiçent dhe konkurues në punë duke e vlerësuar më shumë se më parë, rolin e pazëvëndësueshëm që ka kualifikimi përgjatë të gjithë jetës. Por po ti referohemi jo vetëm momentit por edhe erës digjitale ku po jetojmë sidomos në kalimin nga formati klasik në atë digjital i mësimdhënies, kërkon nga mësuesi dhe drejtuesi arsimor, jo vetëm njohuritë dhe aftësitë e nevojshme teknologjike por edhe ato pedagogjike dhe drejtuese tanimë bazuar dhe orientuar në teknologjinë digjitale. Me riformatimin e funksionimit dhe drejtimit të institucioneve arsimore parauniversitare dhe ndërtimin e standarteve për drejtuesit e këtyre institucioneve, del në pah nevoja dhe interesi i drejtuesve arsimor apo aspirantëve për drejtues, për tu trajnuar profesionalisht edhe si rrjedhojë e konkurencës së lartë në treg në lidhje me synimet për promovim në edukim.

PSE EDUKIM DHE MESIMDHENIE

Akademia e edukimit dhe mësimdhënies shërben si një njësi e specializuar që ofron një paketë shërbimesh të plota dhe profesionale të cilat kanë në fokus rritjen e kapaciteteve të punonjësve dhe drejtuesve arsimor, të edukimit dhe mësimdhënies, jo vetëm duke I përgatitur profesionalisht, informuar, orientuar, formuar, kualifikuar dhe certifikuar me/për aftësitë më bashkohore në edukim dhe mësimdhënie por edhe duke i pajisur me modele praktike dhe të qëndrueshme pune, të cilat do ti ndihmojnë të rritin cilësinë dhe standartizimin në përditshmëri të punës së tyre.

1. Hartim dhe zbatim programesh, kurrikulash dhe projektesh në edukim

Akademia e Edukimit dhe Mësimdhënies ka një rol aktiv dhe të vazhduesheshëm në hartim dhe zbatim projektesh në fushën e edukimit. Natyra, kategoria dhe objekti i tyre lidhet kryesisht me hartim programesh, standartesh, dispozitash dhe kurrikulash por edhe me zbatimin e programeve të trajnimit me fokus rritjen e kapaciteteve, jo vetëm në fushën e edukimit dhe mësimdhënies por edhe në fusha të tjera që prekin direkt apo indirekt edukimin.

1. Konferenca dhe seminare mbi aspekte sensistive të edukimit, komunitetit dhe shoqërisë

Në kuadër të kontributit të vet në komunitet dhe si rrjedhojë e aktivitetit të vet në edukim Akademia e Edukimit dhe Mësimdhënies organizon periodikisht konferenca dhe seminare të ndryshme duke zgjedhur dhe trajtuar tema të rëndësishme dhe aktuale në fushën e edukimit me qëllim motivimin, informimin, orientimin, frymëzimin dhe updatimin e njohurive dhe aftësive të pjesëmarrësve mbi standartet apo qasjet moderne dhe risi në fushën e kaheve, horizonteve dhe sfidave të zhvillimit të edukimit.