Konsulencë në Edukim dhe Mësimdhënie

Konsulencë e dedikuar sipas kërkesave për portalin, kualifikimin dhe promovimin në arsim

Akademia e Edukimit dhe Mësimdhënies Barleti ofron për të interesuarit edhe konsulencë të dedikuar dhe të personalizuar në varësi të interesimeve të studentëve dhe stazhierëve në mësuesi,  aspirantëve për mësues dhe drejtues, mësuesve dhe drejtuesve arsimor, punonjësve sociale dhe psikologëve shkollor, punonjësve, drejtuesve dhe funksionarëve të ndryshëm të administratës së arsimit dhe edukimit. Konsulenca ofrohet në formatin e orientimit, ndihmës, mbështetjes, trajnimeve dhe kurseve të cilat konsistojnë në:

1. Konsulencë parapërgatitore për provimin e Portalit Mësues për Shqipërinë
2. Konsulencë dhe mbështetje për provimin e kualifikimit të mësuesve
3. Konsulencë dhe suport për problematika apo paqartësi në funksion të specifikave të aspekteve të ndryshme të punës në fushën e edukimit
4. Konsulencë në lidhje me vështirësi në zbatim apo implementim të programeve dhe modeleve të reja në arsim
5. Konsulencë në lidhje me procedura konkuruese për levizje paralele apo promovim në arsim
6. Konsulencë referuar përdorimit të modeleve të suksesshme për drejtimin strategjik të institucioneve arsimore
7. Konsulencë në lidhje me hartim dhe menaxhim projektesh të ndryshme shkollore

Konsulencat zhvillohen me seanca: 1 seancë = 2 orë

Konferenca dhe seminare mbi aspekte sensistive të edukimit, komunitetit dhe shoqërisë

Konferencat dhe seminaret e organziuara nga Akademia e Edukimit dhe Mësimdhënies Barleti kanë si qëllim kontributin madhor që akademia jep në frymën e informimit, motivimit, nxitjes sociale dhe profesionale si dhe ndërgjegjësimit të komunitetit të edukimit dhe mësimdhënies por edhe shoqërisë në tërësi, për të përvetësuar dhe pranuar nisma të rëndësishme bashkohore, që ndikojnë për të rritur vizionin dhe shkallën e emancipimit,që kërkon pranimi i të ndryshmes, risisë dhe modernes. Qasja e akademisë në organizimin e këtyre aktiviteteve është stimulimi dhe përcjellja e menyrave bashkohore dhe pikëpamjeve profesionale mbi këndvështrimin, sjelljen dhe veprimet e punonjësve në funksion të edukimit, me objekt modelimin, përshtatjen dhe ndryshimin e përceptimit dhe koncepteve të tyre mbi çështje të rëndësishme që preokupojnë fushën e edukimit dhe mësimdhënies por dhe shoqërinë në tërësi.

Natyra dhe kategoritë e nismave janë:

1. Këshillimi i karrierës dhe orientimi i saktë në tregun e punës
2. Rëndësia e zhvillimit të aftësive soft skills dhe atyre të lidershipit tek nxënësit
3. Rëndësia që ka zhvillimi i aftësive komunikuese dhe prezantuese për sukses
4. Roli i mësuesit si mbështetes i gjithanshëm për nxënësit
5. Rëndësia e konsolidimit dhe marrëdhënies së shëndetshme sociale nxënës-mësues
6. Kontributi i rëndësishëm i mësuesit me cilësinë e punës së tij për komunitetin dhe shoqërinë
7. Nxitja dhe roli i rëndësishëm i mësuesit për identifikimin dhe kultivimin e prirjeve tek nxënësit
8. Roli i rëndësishëm i mësuesit në nxitjen e iniciativave të start up-eve të biznesit tek nxënësit
9. Mësuesi i shkollës së mesme si burim suksesi për nxënësit
10. Mësuesi i sipërmarrjes në shkollat e mesme

Konferencat zakonisht janë 1 ditore

Lloji i certifikimit: Certifikatë pjesëmarrjeje dhe vlerësimi