KONKURSI KOMBËTAR STEAM+ PËR TALENTET E REJA MAJ 2024
Steam+ Albania dhe platforma Talenti pjesë e Universitetit Barleti në kuadër të perfundimit të turit të konkurseve rajonale në Tiranë, Durrës, Elbasan, Shkodër, Fier, Berat , zhvilluan më datë 11 Maj 2024 ora 09.00 pranë ambienteve të Kampusit të Ri të Universitetit Barleti, Rr. Frang Bardhi, Selitë Tiranë, konkursin vjetor më të madh dedikuar talentit dhe aftësive të të rinjve nga i gjithë vendi: “Konkursi Kombëtar STEAM+ për Talentet e Reja 2024”.
Në këtë konkurs morën pjesë nxënës me 103 projekte nga 50 shkolla të mesme nga i gjithë vendi në Shkenca Natyre (Biologji, Kimi, Matematikë, Fizikë), Inxhinieri (Robotikë, Elektronikë, Mekatronikë, Elektrikë, Ndërtim) TIK (IT, Programim, Databaze), Arkitekturë-Design, Arte dhe Krijimtari të realizuara nga nxënësit vitet e fundit.
Fituesja e çmimit të parë ishtë nxënësja Hejli Dedja nga Gjimnazi “Pjetër Budi”, Burrel me projektin e saj “EcoBits”. Çmimi i dytë u fitua nga një grup nxënësish nga Gjimnazi: “Zhani Ciko” Patos, Fier me projektin “Bota magjepëse e bletëve”. Indrela Lesha nga Gjimnazi “Maarif” Shkodër fitoi çmimin e tretë me projektin “Rishkëndija Urbane: Rilindja e Zonave Margjinale”.
Të gjithë pjesëmarrësit u pajisën me certifikatë dhe finalistët u pajisën me certifikatën e fituesit në këtë event.
Konkurset STEAM + për Talentet e Reja do të jenë të përvitshme me gjithësej 5 konkurse; 4 konkurse rajonale (Fier, Shkodër, Tiranë dhe Korçe) dhe 1 konkursi kombëtarë.
Aktiviteti shërbeu si një pikëtakimi me vlerë për promovimin e talenteve të nxënësve dhe maturantëve, dhe mbështetjen e tyre për të zhvilluar aftësitë, njohuritë, prirjet dhe talentin, jo vetëm në plan kombëtarë, por edhe ndërkombëtarë përmes filozofisë së STEAM+.
