STEAM+ ALBANIA tanimë suportohet nga EU STEM COALITION si Program Kombëtar për Shqipërinë.

Universiteti Barleti në kuadër të Programit Kombëtar STEAM+ ALBANIA mori pjesë në Task Forcën Europiane EU STEM COALITION me temë: “Western Balkan Taskforce Meeting 2023” zhvilluar në Institutin Ndërkombëtar të Studimeve të Avancuara “Inter-University Center” Dubrovnik, Kroaci më 30-31 Tetor 2023.

Në këtë aktivitet morën pjesë përfaqësues dhe anëtarë të institucioneve Universitare, qendrave kërkimore shkencore dhe aplikative si dhe organizatave më të rëndësishme të Ballkanit Perëndimor që përfaqësojnë Programet Kombëtare të STEAM & STEM në vendet respektive.

Universiteti Barleti në kuadër të STEAM+ ALBANIA u përfaqësua nga Pedagogu dhe Eksperti i Karrierës dhe Punësimit Erion Muça.

Ky aktivitet i hapi rrugë formalizimit të STEAM+ ALBANIA tanimë si program, platformë dhe nismë që suportohet direkt nga Bashkimi Europian e si përfaqësuesin e vetëm në rang kombëtar të STEAM në Shqipëri.