Ekipi i inovatorëve STEAM Albania në TEKNOFEST
Fituesit e Albanian Science, Enginnering, Design Fair (ASEDF) pjesë e Programit STEAM ALBANIA mbështetur nga Universiteti Barleti dhe Triple City si “Bajraktarët e Inovacionit Kombëtar” janë pjesë e Panairit të Inovacionit dhe Aeronautikës TEKNO FEST në Turqi.
Ekipi i inovatorëve të rinj shqiptarë mbërritën në Samsun, në Detin e Zi, ku u hap Panairi i Inovacionit dhe AeronautikësTeknofest – i cili konsiderohet si një ndër më të mëdhenjtë në botë.
Ndër projektet që do të prezantohen atje, është Roboti SPAK 2 i studentit të vitit të parë Informatikë e Aplikuar pranë Universitetit Barleti Jusuf Rrustaj, Roboti Asistent Mjekësor dhe Qeni Robotik të Grupit të Robotikës UNO nga Instituti Harry Fultz.
Projektet janë përzgjedhur në konkursin Albanian Science Engineering and Design Fair i mbajtur në Tiranë në Prill të këtij viti tek Universiteti Barleti.
Ky është bashkëpunimi i parë i STEAM Albania me Fondacionin T3, organizator i Teknofest dhe mbështetës edhe i inovacioneve të mëdha në fushën e dronëve.
Ky është bashkëpunimi i parë i STEAM Albania me Fondacionin T3, organizator i Teknofest dhe mbështetës edhe i inovacioneve të mëdha në fushën e dronëve.
Vizitorët në Teknofest mund të shohin nga afër performancat e dronëve Bayraktar, provojnë tunelin e erës, bëjnë xhiro me helikopter, shohin planetariumin, simulimet e tërmeteve etj.
Planifikohet që në vitin e ardhshëm, nxënësit dhe studentët shqiptarë të kenë më shumë mundësi konkurimi në Teknofest, kompeticion që pritet ta vizitojnë së paku gjysmë milioni vizitorë.
